أقْبَلَتْ تمشي عَلَى السيف الجميل

12 أبيات | 1092 مشاهدة

أهـدت لشـاطي البَحَرْ سر الجمال

بـالتّـأنـي فِـيْ خـطـاهـا تـستخيل

كــنّهــا تــمـشـي عَـلَى مـايٍ زلال

اخـطـفـت روعـه بها شمس الأصيل

وامـزجـتـهـا مَعْ حِسِنْها والدلال

اخـجـلت مِـنْ شـوفها وراحت تفيل

للغروب الشمس نوّت عَلَى الزوال

إلْفِـتَـتْ لانـظـار بالخَدّ الأسيل

وَيْـن نُـوْر الْبَدِرْ مِنْ نُوْره ينال

روّحـت تـبـحـث تـطـالع عَنْ خليل

مَــا مــنــيــةْ هـواهـا والمـنـال

شـافـها المشتاق للطرف الكحيل

واخلطت دِّنْيَاه فِيْ دِّنْيَا الخيال

شـاهـد الابداع مِنْ خلق الجليل

زاد بِهْ شوقه وضاق ابْه المجال

كَـنَّهـَا طـيـرٍ عَـلَى ريـشـه يـشـيـل

للمـلاحـه تـاج مَـا مـثـله مثال

كَـنَّهـَا زهـره عَـلَى بـاقـةْ خـمـيل

عُـوْدهـا مَـعْ نـسمةْ الأرياف مال

لَوْ يـشـاهـدهـا جـبـل وزنه ثقيل

يـخـضـع الهـا باحترامٍ وامتثال

قَـفَّتـْ وهـاج البَـحَـرْ وقـتٍ طـويـل

احــتــجــاجٍ يَــوْم نــوّت لِرْتِـحَـال

هل أعجبتك القصيدة؟ شاركها الآن