مَا بقى لَي قَلْب يتحمل جفاك
للشاعر علي بن سالم الكعبي
1
مَـا بـقـى لَي قَـلْب يـتـحمل جفاك
كِــلّ مَــا أبـعـدت يـتـولَّهْ عَـلَيْـك
2
أعطني وصلك مثل ما الله عطاك
مِـنْ جـمـيـع الخلق وحدك مشتريك
3
يــاشــبــيــهٍ للْثـريَـا فِـيْ عـلاك
طـال صـبـري يـرحم الله والديك
4
وَيْـن مَـا تـمـشي مشى قلبي وراك
يـتـبـع دروبـك ونـبـضـه يـحتريك
5
فـاق كِـلّ أريَـام جـيـلك مـستواك
وأخـجـلت كِـلّ الشـفاه مِنْ شفتيك
6
سِـعْـد مـنـهـو يـقضي أيَّامه معاك
وأن زعـل مـنّـك لنـفـسـك يشتكيك
7
لَوْ سـألت أهـداب عَيْني عَنْ غلاك
جـاوبـتـك الْقَـلْب كِـلِّهْ فِـيْ يديك
8
مَـا حَـلَا هـزْ الخـفوق إلّا حلاك
أشـهـد إنـه رابـحٍ مِـنْ يـهـتـويك
9
لَوْ يـطـول الوقت قَلْبي فِيْ رجاك
حـايـز الخـفّـاق مَـا عـندك شريك
تعليقات القراء 0