مستارجٍ والجِفْن مَا باتْ
16 أبيات
|
308 مشاهدة
مـسـتـارجٍ والجِـفْن مَا باتْ
والرُوح فِـيْ شِـدَّه وتـعـذّيب
والنـفْـس فِـيْ أكْـبر بِلِيّات
بـاطـن قـليـبـي فِـيْ تصَوّيب
بـاطـن حـشـايَه فـيـه حَرَّات
نـيـران تِـتْـزايـد لواهـيب
عَـيّـيـت مَـا عـالِجْ بْـدُويات
مَـا فـادنـي دَخْـتَـر وحَـسّيب
لَوْ عـالجـونـي بـكِـلْ حَـزَّات
أبْداً دواهم مُول ما ايّيب
كِـثْـر الدوا تـلّفـت لِمْيات
وكِثْر المحو عِيزَت مكاتيب
أوِنْ وآرَضِّفــــــ الوَنّــــــات
عَـلَيْـك يَـا سـيّد المحابيب
يَـا بُـوْ عـيـانٍ سِمْر دِعْجات
والخـد بَـرْقٍ وِسْـط لْمِـغـيـب
عَـنْ صـاحـبـي مَا لِيْ مرَدّاتْ
عِـنْـدِهْ دوايَه يَـا مـعازيب
يــزورنـي لَوْ بـالسـلامـات
ويِتْلاحقِنْيَه قَبِلْ لا اغيب
مَــا مِـنْ صـديـجٍ بِهْ مـروّات
فِـيْ حَـزَّة الضـيـجات بيثيب
لَنّي دريك آعِد مِ الأموات
لِيْ شَـاف حَـالي لازم يشيب
أحــيــد وآحــد بِهْ مـعـزّات
هـازِر وظَـنّـي فـيه مَ يخيب
هُـوْ الذخـر عَـنْ كِـلّ حاجات
هُـوْ بَـنْدري فِيْ وِسْط لِغْبيب
قُـمْ يَـا حَمَدْ لِيْ سَوّ شيمات
إرْحَـمْ وسـاعِـفْ بـالمـواجـيب
صــلاة رَبِّيــْ بــالتــحـيّـات
واعْـدَادْ مَـا تِيري مرازيب
مشاركات الزوار
0أضف تعليقك أو تحليلك