البيت العربي
بك هلا ما هبّت نسايس
عدد ابيات القصيدة:17
بـك هـلا ما هبّت نسايس
يـتّـلي م المطلع ابروره
نـال مـالا حـصّـل الجـايـس
مـنـك حـيـثه نافل الصّوره
لي لمـلكـه خاضع أو بايس
دوم مـا تـلقـى عـنه دوره
أتـلعـيّ الجـيـد مـتـمـايـس
فـي خـدور أو وسط مقصوره
يــا مـحـبّـي ذاك لي رايـس
فـيـك سـهـم الحبّ من يوره
كـاعـبٍ بـالرّيـم مـتـقـايـس
مــن يـوازي رتّـع اقـفـوره
يوم شفت اسبابك المايس
غـصـن خضري فايق الصور
مثل ما بك به من الهايس
غـيـر دونـه تـوقف اسبوره
لو لشّـفـك في الخطر دايس
سـهـل مـا هـمّـتـني أوعوره
بـيـن جـفـني والكرى حايس
يـوم نـوم الدّله في شوره
شـطّ بـي واضـنـاني الهايس
منك وادعى النّفس مضروره
كـم طـول اللّيـل بـاقـايـس
مـن اصـنـوف الحـبّ وخطوره
جــس نـبـضـك للجـسـم رايـس
خـــلّنـــي للحّــب دخــتــوره
بـيـن عـاضـد مـوز وغـرايس
بـالنّـدى تـتـفـتّـح ازهوره
ياب نسناس الهوى الدّايس
ديـرتـه من نفحة اعطوره
خـلّنـي لك فـي لامـر سايس
واقــفٍ فــي شــفّ مــامــوره
إلتـزم بـالصّـبـر لا تايس
والبـخـت لك يسفر ابنوره
مشاركات الزوار
شاركنا بتعليق مفيد
الشاعر: عوشة بنت خليفة السويدي
حيث كانت تطرح قصائدها باسم مستعار هو: فتاة الخليج، وفي عام 1989م أرسل لها الشيخ محمد بن راشد آل مكتوم ديوان وكَتَبَ في أول صفحه له:
أرسلت لك ديوان يا عالي الشان ديوان فيه من المثايل سـددها
يحوى على الأمثال من كمل من زان ومن كل در في عقوده نضدها
فتاة العرب وانتوا لها خير عنوان ومن غيركم بقصد معاني نشدها
وبعدها اصبح لقبها فتاة العرب.