قل لبو طالب الوادي من البطل ملعوب
للشاعر حسن الكاف
1
قـل لبـو طـالب الوادي مـن البطل ملعوب
والفـتـن كـيـرهـا فـي غالب القطر مشبوب
2
والبـنـا ذي بـغـيـتـه أصبح اليوم مخروب
دوب تــوعــد مـواعـيـدك مـواعـيـد عـرقـوب
3
وان حـجـتـك المـجـالس قـلت سـيـد ومجذوب
فـان ذا شـور مـا يـصـلح وذا راي مـقلوب
4
وانـت صـحـحـت راضـي ليـس مـكـره ومـغـصوب
قــلت يــا قــوم بـابـلغ لكـم كـل مـطـلوب
5
والمـفـاتـيـح بـيـدك مـن عـصى طاع مغلوب
قـم وقـابـل وخـل الشـور بـالصـدق مـعصوب
6
وان بـقـيـتـه مـجـنـب عـد بـالسـوم مقطوب
والبــلى بـايـفـتـكـهـا مـعـايـيـن وشـعـوب
7
مـا انـت سالم ولو تعمد على رأس شنطوب
فـي أمـان السـبـل طـربـت سـبـعـيـن تطروب
8
واصـبـح المـلك ضـايع بعد ما كان مهيوب
بــعــد مــا كـان مـنـه كـل بـطـال مـرغـوب
9
وان نـسـيـتـه عـهـودك فان ذا وثر مكتوب
وان تبا الجبح بايغلب على جبحه النوب
10
مـا انـت عندي ذخيره في المهمات محسوب
ذا كــلامــي ورب الخــلق عــلام الغـيـوب
تعليقات القراء 0