ثلاث عدوا وانزلوا قالوا اثنين
14 أبيات
|
2019 مشاهدة
ثـلاث عـدوا وانزلوا قالوا اثنين
واحـد صـفـر وانـهـدت الخـيل طوفان
خـيـل الدول تـنـعـدّ فـوق الثمانين
عَــلَى عِـدَدْ خـيـل الدول عِـد فـرسـان
صـار المـدى كِـلِّهْ صـهـيـل وعـنـاوين
مـهـره فـلانـيّـة وذا الفـارس فلان
مِـنْ كـيـلوات الدرب امـيـه وسـتـيـن
سـبـاق يـعـذر طـوله الصـلب لَي لان
كِــلٍّ عَـلَى خـيـله هـقـاويـه ثـنـتـيـن
واحـنـا لْنَـا هـقـوه ولخـيولنا شان
الفـوز ثـم الفـوز مِـنْ دون تـخـمين
لَي مَـا هـقـا للوثـبة الفوز غلطانْ
يَـا خـيـلنـا يَـا مـرجفات الميادين
العـاديـات السـابـقـه وقـتـهـا زان
يـا خـيـلنـا نـدري عَـلَيْـنَـا تغارين
واحـنـا عَـلَيْـك لغـيـرة الدم فرسان
صـبـرٍ جـمـيـلٍ نـصـبـره يـوم تـمـشـين
ولَي مِـنْ مـشيتي يصبح الصَّبْر نيران
فـيـنـا وفـيـك مِـنْ الحـمـاسة تشبين
جمر الرجال اللّي عَلَى العز تيجان
والفـارس اللّي يـحـذروه السـلاطين
منصور أبو زايد عَلَى الحسم سلطان
امـره نـفـذ وآمـر سـمـوه تـكـونـيـن
انـتـي السبب لَي مِنْ خسر كِلّ خسران
الكـاس للوثـبه السنه ومقبل سنين
وان قـدّر الله مـاتـبـا خيلنا كان
مـبـروك أبـو زايـد تهني الملايين
مـنـصـور يَـا المنصور فِيْ كِلّ ميدان
مشاركات الزوار
0أضف تعليقك أو تحليلك