يا سيد أحمدْ يا قوصي
28 أبيات
|
755 مشاهدة
يــا ســيــد أحــمـدْ يـا قـوصـي
مـــا حـــدَّ زيَّكــ فــي الدنْــيَهْ
أهــــديــــكْ ولائي وخـــلوصـــي
ومِــيــت ســلامْ لِك بـالعـنـيـهْ
أحــيــيــتْ لنــا فـنّ الأزجـالِ
مِـن بـعـد مـا طالعْ في الرُّوحِ
أبــوابْ أدبْ أشــكــالْ وألوان
واللي مــا يـفْهَـمْهـا شـي لُوحِ
فـاتـت عـلى صـاحـبِ المـفـتـاح
وتْــكــســرت فــيــهـا أسـنـانـه
والســعــد فــيـهـا عـمـرُه راح
حــتــى انــفـلقْ بـيـن أقـرانُه
الفـــضـــل فــيــهــا للنــجــار
ولك يــا شــيــخ أحـمـد بـعـدُه
أمـــــا الألانـــــي له أدوار
فــيــهــا تـفـوق أدوار عـبـدُه
جـانـي النـهـارُده حـمـل خفيفْ
كـــلامُه أحـــلى مـــن السُّكـــر
داشــىءْ لطــيـفْ خـالص وطـريـف
وفـــضـــلْ مــثــلكْ لا يُــنــكــر
الحــــق إن بــــلادْكـــم عـــالْ
فـــيـــهــا الأدب واخــد حَــدُّه
مــا حــد فــيــهـا عـمـرُه قـالْ
كــلام كــتــيـر مـا هُـوش قـدُه
فــيــهــا التـواضـعْ والطـاعـهْ
والحـــرّ يـــتـــمـــنّــوا ودادُه
مــا يـزعّـلوا الحـاكـمْ سـاعـهْ
ولا يــــمـــيـــلوا لعْـــنـــادُهْ
شــغــل الدســايـس والتـهـويـل
هـــمَّ بـــعـــيـــدْ خـــالصْ عـــنَّه
مــا يـشـتِـكـوشْ للُّورد أبـريـل
ولا يــجـيـبـوا مـكـتـوب مـنـه
أمــا الحــراره فــي بـلادكـم
مــا بــيــدّكــم فــيـهـا حـيـله
شــهــريــن ثـلاثـه مـيـعـادكـم
بــوعــدهــا تــبــقــى جــمـيـله
أمــا الحــلاوه فــي الخـلقـه
دا شــيـء قـليـل لكـن مـوجـودْ
واللي يــــدوّر كــــم يـــلقـــى
وأرجــع أقــول دي للمــوعــودْ
كــل البــلاد مــلا تــخـلاشـي
مـــــن الأمـــــور الســــريــــهْ
لكــن بــقــا مــا تــنــســاشــي
إنّ الظــــواهــــرْ مــــرعـــيـــهْ
آدي مـــزيـــةْ نــاحــيــةْ قــوص
والكـام بـلد إللي فْ جـارهـا
إذا الفقير حتى إن باعْ بوص
مــراتــه حــشــمـه مـعْ جـارهـا
أمـــــا بـــــنــــات الهــــوارهْ
مـا يـخـش فـي بيتهم الإبريق
مــا فـيـش مـذكـر فـي الحـارهْ
يــلقــى لبــيــت الســت طـريـق
عــود القــصــبْ مــا يــدخـلشـي
فـي البـيـتْ سـوى عـقـله عقلهْ
وإن عـزْتْ ديـكْ مـا تـلْقـاهْـشي
أمــا الفــراخْ تــلقــى جـمـلهْ
مشاركات الزوار
0أضف تعليقك أو تحليلك