يا سيف لو ما لثت في هالديره
للشاعر سعيد بن راشد بن عتيج الهاملي
1
يـا سـيف لو ما لثت في هالديره
بــاظــل فــي غــبّــة بــليّــا ديــره
2
وكـان اهـلكـت مـحمل غلامٍ عالي
واتــقــطّــعــت ليـحـانـهـا فـي ديـره
3
عــيــيـت مـن هـمّـي ومـن عـبـراتـي
واشــوف دنــيــايــه غـدت عـبـراتـي
4
وعـيـنـي تـهـل الدمـع مـن عـبراتي
وش ذا الزمـان اللي كـذيه مسيره
5
والحــمــد لله يـوم جـيـنـا صـوبـه
لي سـمـعـتـه عـنـد المـلا مـنصوبه
6
عـسـى أن له عـيـن الرضـا مـنصوبه
عــنــد الذي مــا مــن إله غــيــره
7
شــروى خـلف مـا ريـت مـثـله حـدّي
لي بــالكــرم مــاله قــيــاس وحــدّي
8
يــوصــل بــعــزم ومـاضـيـات الحـدّي
يــثـقـل ومـن ثـقـله يـثـقّـل غـيـره
9
يــوم النــصــارى شــب نـار ورايـه
مـا سـار فـي شـور الخفيف ورايه
10
ليـــن الكـــفــر ذلّت وشــلّوا رايــه
حــتـى المـشـاوي عـقّـت البـنـديـره
11
هـــذيـــه حـــظ مـــن وراه عــنــايــه
والحـظ يـسـعـى لك بـغـيـر عـنايه
12
ووضـحّـت فـي وصـفـي وفـي مـعـنـايـه
وإذا خــلف عــنـهـم بـعـيـد مـسـيـره
13
طــلعــه بــعــيــد ودون ســدّه لالي
وتـظـن فـي وجـهـه تـقول أهلا لي
14
ومـا دام فـي وجهه القمر وهلالي
سـبـحـان مـكـسـي الخلق في تصويره
15
عــســاه يــفــوز بـجـنـة الأنـعـامـي
لي يـنـطـرى بـالمـدح والأنـعـامـي
16
عــنّــي سـنـيـن العـسـر سـارن عـامـي
مــن شــفــت وجـهـه دبّـرن تـدبـيـره
17
وتـرايـعـن عـقـب العـســر بسعودي
حولين أنا ما شفت نجم سعودي
18
وكــنّــي مــواجـع فـيـصـلٍ وسـعـودي
واليـوم ظـاهـر مـن خـلاف كـسـيـره
19
الشــكــر للمــولى بـغـيـر قـيـاسـي
وفـكـرت فـي عـقـلي وبـين اقياسي
20
لو رحـمـة المـولى تـجـي بـقـيـاسي
إن كـان مـا عـاف التـراب غديره
تعليقات القراء 0