يقول الفهيم اشتد بالقول والجدى
للشاعر سعيد بن راشد بن عتيج الهاملي
1
يـقـول الفهيم اشتد بالقول والجدى
والامـثـال عـسـرات وحـن نـسـتـديرها
2
أفـكـر لها بالقلب والسمع والبصـر
وانـظـر واطـالع حـلهـا فـي مـسـيرها
3
صــرايـف زمـانٍ مـا لقـيـنا لها دوا
إلا دوا عــيــنٍ مــتــلّف نــظــيـرهـا
4
رمــدا تــمــي الدمــع مــن كـل طـارف
ومـن الويـج تانس لاسعٍ في بصيرها
5
ســفــيــنـةٍ تـيـري عـلى كـيـف ولمـهـا
وبـحـر الهوا هلّس لها ثم يديرها
6
دوّســتـهـا بـحـر الظـلامـات واسـفـرت
وصــكــت بـلودي رقّهـا مـع غـزيـرهـا
7
دنـيـا تـدور بـنا على كيف ما تبا
ونـحـنـا نـشـاورهـا وخاسر شويرها
8
تــراويــك لوعــاتٍ وخــبــثٍ وتـنـثـنـي
ولزمٍ تـمـرّح بـك عـلى جـال بـيرها
9
اليوم كستنا من البياضات والمخا
ويـامـا لبـسـنا من طراير حريرها
10
كـم وسّـدت يـمـنـاك مـن نعايم ردنها
وأروتـك مـن بـعـد الحـلاوة مـريرها
11
هــذي مــزايــاهــا وفــي جــنــوحـهـا
قـطـع الأمـور الهـايرة في قصيرها
12
النــاس فــيــهــم مـن مـضـلٍّ ومـهـتـدي
ولا تـسـتـقـر بـعـودهـا مـع صغيرها
13
أوصــيــك للصــاحـب ولليـار لو عـمـل
تـغـاضـى عـنه لو زل وأثنى بغيرها
14
عـاتـب حـسـودك لي مـن النـاس مشتهر
ودوس الأمـور اللي لكـبـده نـظيرها
15
تـرى حـسـاسـيـد الفـتـى تـتبل الردى
شـروى الفـعـي تـلدغ وتزبن جحيرها
16
تـجـلّد لهـم بـمـا تـواحـي مـن الجدا
وورقٍ تــغـنّـي لا يـغـرّك صـفـيـرهـا
تعليقات القراء 0