دَنَّقْ وْدَنَّقْ قَلْبي وْيَاه
للشاعر راشد الخضر
1
دَنَّقـــْ وْدَنَّقـــْ قَــلْبــي وْيَــاه
فَــزّ وقِــعَــدْ قَــلْبــي مَـحَـلَّه
2
الشَّمــْس تَــشْــرِقْ مِـنْ مـحَـيَّاـه
وِبْــــدور وِبْــــروقْ وْأهِــــلَّه
3
اخــضَـعْ واحَـازي بِهْ مْـحَـازاه
وأقُـــوم بـــالْمَــايــوبْ كِــلّهْ
4
غَـالي ولِهْ فِـيْ القَلْب مِدْرَاه
تَــعْـبَـان قَـلْبـي فِـيْ حِـوَل لِهْ
5
أصَــاصِــرَهِ لَوّ مَــا حَّدْ حْــذَاه
وَاَغِـــضّ صـــوتِـــي خَـــاضِــعٍ لِهْ
6
جِــسْــمِــي نِــحِـيـلْ ووَّنْـتِـي آه
وِالدَّمــعْ كَــمْ عـيـنـي تِهِـلّه
7
أســألْ عَـنـه لَي دَايـمْ وْيَـاه
واطَــالْعَه مْــطَـالَعْ الاهِـلَّه
8
مَــايْ الْمــلاحَــةْ زِدْ لِمْـيَـاه
أفَــضِّلــَه عَــلَى الْمَــايْ كِــلَّهْ
9
يـسَـجْي الْجَمَالْ الْبَاهِرْ وْيَاه
حَــبْــتِــيــن خَــالْ وْوَردْ فِــلَّه
10
الرِّيــفْ سَــلْتَه عِـنْـد مِـلْفَـاه
عَــنْ حَـالْ مِـنْ روحـي فِـدَى لِهْ
11
قَـالْ: اطْـمِـئِنْ مَـنْوَاكْ مَنْوَاه
لا تِــسْـتِـمِـعْ قُـولْ المْـجـلَّة
12
الدّيــنْ مَــا لِهْ غِــيـر مَـدَّاه
والخِــلْ مَــا لِهْ غِــيـرْ خِـلَّه
13
اطـفِـيـتْ نَـارْ الصَّبـْ بِـحْـشَـاه
لِكْ مَــا حِــوَتْ يَـمْـنَـايْ شِـلَّه
14
أســألْ وْبَــسْـأَلْ عَـمَّنـْ أهْـوَاه
يْـــعِـــلِّنَــا نِــلْقَــى ذِكِــرْ لِهْ
15
لِهْ لِهْ مَعي فِيْ القَلْب مِلْيَاه
وْلَي لَي مَــعَهْ لَي غِــبْـتْ خِـلَّه
16
عَــلَى جِــفَــا خِـلاَّنَه إشْ يَـاه
والصــدّ مِــنْهــمْ مِــنْ يـحـلَّه
17
والْوَصْـلْ مِـنْـكـمْ لا عـدَمْـنَاه
يَــا نَــافِــلٍ بــالْحِــسِـنْ كِـلِّه
تعليقات القراء 0