قالت: تحْبني؟ قلت: ساعه وساعه
14 أبيات
|
1972 مشاهدة
قـالتـ: تـحْـبني؟ قلت: ساعه وساعه
مـا هـوب دوم مْـديـم يا قرّة العينْ
قــالت تــقـول الصـدق والّا خـداعـه
قـلتـ: الصحيح آقول لو ما بترضين
يـمـتـاز حـبّـي بـالصـدق والنـصـاعـه
مـانـي مـن اللي فـي هواهم مراوين
مـا لي عـلى الحب المديم استطاعه
أخـشـى يـضـيّـع مـنّـي العـقل والدين
واخـسـر هـوانـا والحـيـا والمناعه
واصـبِـح مثَل بين الملا كالمجينين
قــضَّى حــيـاتـه فـي هـيـام ونـيـاعـه
بـيـن البـراري مـا يهَبْط البلادين
خـلّي الاقـارب والأهـل والجـمـاعـه
وافـلس مـن الثـنـتين وتْعوّض البين
أحِـــبّ وادّي للمـــحـــبـــيــن طــاعــه
لكـن فـي حـدود العـقل والعقل زين
قـالتـ: حـديـثـك هـب صـراحـه بشاعه
وين اللطافه منك والعطف واللين؟
قـالتـ.. وقَـفَّتـ مِـسـرِعَه بـانـدفاعه
وبْـجـيـب مـن بعد الجفا بين نارين
يا شيخ يا من طال في الشِعر باعه
لي له اعـلام القـافيات الميامين
مــجَـنّـحـات يـرَفْـرِفِـنْ فـي ارتـفـاعـه
فـخـر الصـديـق ونـقـمـةٍ للمـعـاديـن
ليـتـك تـواسـي قـلب زاد الْتـيـاعـه
يـا مـن يجدّينا على المسلك الزين
ضـاق الفـضـا بـي بـعـد رَحْب اتّساعه
مـن ويـن ايِيب الحل لمصيبتي وين؟
مشاركات الزوار
0أضف تعليقك أو تحليلك