لك التهاني بالشفا والسلاماتْ
للشاعر حمد خليفة أبو شهاب
1
لك التـهـانـي بـالشفا والسلاماتْ
مــن القـلوب اللي مـقـرّك حـشـاهـا
2
زال العَـنـا من فضْل رب السماوات
والحـمـد له نـفْـسَـك بْـلطفه شفاها
3
صَـحّـتْ بْـصِـحّـتْـك النـفـوس العليلات
وانــزاح عــنــهــا كـل هَـمٍ عَـراهـا
4
سـلامـتَـكـ.. بـرد وسـلام ومـسـرّات
بــشــايــرٍ ســرّت ديــارك نــبــاهــا
5
سـلامـتَـكـ.. عـيـدٍ لشَعب الإِمارات
مـن شـرْقـهـا النائي ألى منتهاها
6
سـلامـتَـكـ.. نَـفْـحة نسايم وراحات
لقـلوبـنـا يـا مـنـتـهـى مـبـتغاها
7
لِلنـاس فـي دنيا المخاليق غايات
وكـلٍ لنـفـسـه فـي حـيـاتـه هـواهـا
8
وانْــتِه لكــلِ النــاس روضٍ وجـنّـات
خـيـرك شِـمَـل كـل بـقـعـةٍ من ثراها
9
وانْت الفريد اللّي لسعيك علامات
يِـنْـوِر عـلى كـل البـسـيـطـه ضياها
10
يـا مْـحَـوّلٍ صَـحْرا الإِمارات واحات
ليـن اصـبـحـت تـرقـص طرَب وَآحَلاها
11
غَـرَسْـت بـكـفـوفـك جـمـيع المساحات
مـا صـد عـزمـك صـيـفـهـا أو شتاها
12
الاشـجـار لو تَنْطِق بَدتك بْسلامات
وتــحـدّثِـت عـن زايـد اللي رعـاهـا
13
لك ود ما ناله من الناس من فات
ولا من بقَى فوق الثرى في ذراها
14
حـبّـك كـثـر فضلك على كل الاوقات
يـا كـثْر فضلك في الشعوب وقراها
15
تـبـذل على قرب المدى والمسافات
مـن كـفّ يـمـنـى مـا يـوقـف عـطـاها
16
يـا فـخرنا يا ذخرنا في الملّمات
يــا رافــعٍ لِشْـعـوبـنـا مـسـتـواهـا
17
مـن بـك نـقـيسك من ملوك وحكومات
يـا شـمْـس تـسـبـح وحدها في فضاها
18
يـا بـوخـليـفـه يـا كبير المروّات
يـا مـسـنـدي نـفـسـي لنـفسك فِداها
19
يـا شـوق مـن تـسـلِب عـقـولٍ زكـيّات
بَـاعْـيانها اللي في لحظْها بلاها
20
يا طِيبها يا زِينها في الخوَنْدات
يـا حـسنها الفايق على من سِواها
21
حـيّـتْـك يـا زايـد بـخـيـر التحيّات
واهـدتْـك مـن فـيض المشاعر ثَناها
تعليقات القراء 0