زرعك ثمر في قلوبنا ودّ واجلال
21 أبيات
|
392 مشاهدة
زرعـك ثـمـر فـي قلوبنا ودّ واجلال
يا بوخليفه يا ضِيا القلب والعين
عـنـي واقـدم له جـزيـلات الامـثال
فــرايــد مــن غـاليـات المـثـامـيـن
افرح اذا ما قيل لي (زايد) يسال
عن شاعره، ليت الشعر يوفي الدين
الشـعـر يُوْلَه مثلنا يا هوى البال
عـليـك كـلمـا عـنـك صـرنـا بـعـيدين
اعـذر قـريض الشعر والوصف لي طال
فـانـت الذي وفّـرت له مـنبع العين
راعـي العـيون السولعيات الانجال
تـسـلب ولا تـرحـم هل الغي والدين
لا مـا نـقيس البدر لي تم، بهلال
ليــله وليــله والليـالي ويـومـيـن
البــيـض يـفـدنـه ويـفـداه مـن قـال
حـسـنه مثلهن، والفرق شاسع البين
يـا شـوق مـن قـده غـصـن بـان مـيّال
عــلى جــمــاله يــحـسـدنـه مـزايـيـن
انته من الله نعمة ما لها امثال
لا في الملوك السالفه والسلاطين
وانْ غـبـت غطى وجهها الناصع ظلال
يـا بـدرهـا يـا نـورهـا وجه ويدين
والله جـمـع بك شملنا عقب ما حال
عـهـد الجفا ما بيننا سنين وسنين
مـن فـضـل ربـك زاح بـك هـمّ واهوال
وامـسـت ضـعـاف شـعـوبـنـا بك ثريين
تـاريـخ مـجـدك فـي صـفيّات الاسجال
تـنـبـت حـروفـه بـالشذا والرياحين
حــقـقـت للمـحـتـاج غـايـات الآمـال
اللّيـد تـلمـسـهـا وتـنـشـاف بالعين
يـا مـاسح دموع اليتامى بالافعال
مـن قـبـل لا تـمسح عليهن باليدين
أسـقـيـتـهـا مـن بارد الماي سلسال
وانـعـشْـت بـاحـسـانـك قـلوب محازين
ونخيل ما تحصى لها انواع واشكال
خــيــراتـهـا عـمّـت شـعـوب وبـلاديـن
مـن قـبـل لا يـثـمـر بوديان ورمال
ويــحـوّل الصـحـرا كـروم وبـسـاتـيـن
تـسـفـر وتـنـور بـك ديـارك وتـختال
جَــذْلى تــغـرّد لك بـكـل المـيـاديـن
مـا نـقـدر نْـجازيك لو نبذل الحال
والله يـجـاي فـاعـل الزين بالزين
مشاركات الزوار
0أضف تعليقك أو تحليلك