البارحه ساهر ولا غَضّيتْ
للشاعر أحمد بن سيف بن زعل الفلاحي
1
البــارحـه سـاهـر ولا غَـضّـيـتْ
يـا ليـن بَـرّ الصـبـح وانـزاحْ
2
لي نــامــت الدلهــيــن وَنّـيـت
وَنّـــة لِذِي مـــضــروب بِــسْــلاح
3
عـــلى زمـــانٍ ليــت مــا ليــت
واليـــوم قَـــفَّى عـــنّـــيَ وْراح
4
آبــات ليــلي فــي تــنــاهـيـت
والحــال مــنّــي هــوب مـرتـاح
5
ســـلام للمـــضــنــون عَــنّــيــت
فــي خَــطّ غـيـر الخـط مـا راح
6
حـــطّـــيــت خَــطٍّ دون تــاكــيــت
ولا بـه بـريـدٍ فـيـه يِـنْـتـاح
7
وِصْــبَــرت وِمْــن الصـبـر مـلّيـت
وانــوح يــوم النــاس طَــيَّاــح
8
عــلى وليــفٍ بــهْ تــفــانــيــت
صَــــــدوق وِدّه هـــــوب مـــــزَّاح
9
يــا بــو مــحــمـد يـوم مَـرّيـت
مــنــازله فــي وقـت الآفـراح
10
داره خَــلَتْ مِ الزول والصِـيـت
ورسـومـهـا عِـفْـيِـت مِ الارباح
11
يـا ليـتـنـي بـالكُـوف ما جيت
مــنــازل الغــالي والآمــراح
12
يـا مـحـسِـن أبـغـي منْك تَثْبِيت
مِ الدار هــذي ويــن هــو راح
13
يا غير صوت الْوَرْق ما اوْحِيتْ
إتــكــسِّر العَــبْــرَات بَــصْـيـاح
14
اتْــجــرّ صــوتٍ يَــحْـيِـيِ الْمـيـت
يــاليـن جـاك الصـيـف مـرتـاح
15
وِالّا أنــا ظَــنّــي انْــشَــطّـيـت
والســدّ مــنَّيــ والعــقــل راح
16
يا وَرْقْ ياللي بالعَلا ابْديت
مــا هــمّـك إلّا جَـرّ الآنـيـاح
17
يـا وَرق أنـا من صوتك اِشْتِيت
وذكّــرتــنــي وقــتٍ مـضـى وْراح
18
وقــت الصِّبـا شـرواه مـا ريـت
وبــاصــيــح لو بَـيْـرَدّه صْـيـاح
19
أهـو رحـل عـنّـي وَانـا اقْـفيت
مـن يـوم فِـيِّ الشـيـب قِـدْ لاح
20
شـــروات لون الشَـــنّ خِـــلِّيـــت
لي عَــقّه البــادي بـالآمـراح
21
وَآيـسْـت مـن لي بْـوَصـله شْـفيت
أبـــو ثـــمـــانٍ بـــيــض وِضَّاــح
22
شـروى المـهـا زوله تـهـايـيت
ظـبـي الفلا لي وَسط الآبطاح
23
واطْــلبــت ربّــي يــوم صَــلّيــت
طـــلبـــة صـــدوقٍ هـــوب مَــزَّاح
24
يـالله يـاللي بـانـيِ البـيـت
وم جـاه عَـنْه الذنـب قِـدْ طاح
25
تـسـقـي وطـن لي بَهْ تـفـانـيـت
وِتـخْـضَـرّ داره عِـقـب الآمـلاح
26
بــحــقــابٍ امــسّــوي له فْـلِيـت
مــا هـوب مَـرّه سـبـعـة اوضـاح
27
لي لَظّ بــرقــه يــشـبَه اللّيـت
وتَـسْـفِـر بـه الدنيا إذا لاح
28
اتــشــكّــلت فـيـه المـنـابـيـت
نَـبْـت الزريـجـا زين الآرياح
29
وسـط العَـلاوه يـنـبني البيت
مـن العـشـب مـا لقَى لك امرا
30
بـيـت الشـعـر مـا بِـنْي بِسْمِيت
وامْــبَــطّــلٍ مـن غـيـر مـفـتـاح
31
تـلقـى الكـرم بـيته إذا جيت
أهــل الكــرم وِنْــفــوسٍ سْـمـاح
32
صَــفْــوَةٍ ذهـب مـا غِـشّ بـقْـليـت
ومـن نـالهم قد نال الآرباح
تعليقات القراء 0