باديٍ في راس مِتْعَلّي
للشاعر أحمد بن سيف بن زعل الفلاحي
1
بــاديٍ فــي راس مِــتْــعَــلّي
مـن بـدا بـه هـاض مكنونه
2
لي ذكــرت الوقــت لي زَلّي
والصِّبـا يـوم انقضى سُونه
3
قـام جـمـع العـيـن يـنْهَلّي
فــوق خَــدّي يـوم يـطـرونـه
4
وَرَّت إِلْيِهْ فـي الحـشا عِلّي
الذخــاتــر مـا يـرومـونـه
5
وابْـعَـدِنْـيِه مـن سَـنَـغْ خِلّي
لي عِـليـه النـفـس ممحونه
6
لي تــذكــرْتَه وانـا آصـلّي
مـا عـرفـت الفَـرض وِسْنونه
7
مـن فـراقـه طـحـت مـعـتـلّي
عِـلّة اللي مـات مـضـنـونـه
8
هـو غـنـاة النـفس بالحِلّي
مـا تِـشوف الناس من دونه
9
لو لقـيـت اللي ليَ يْـسَـلّي
حـالفٍ بـالعـهـد ما اخونه
10
باوْصَلَه لو اكون ما ادِلّي
لو يـحـول الرَمْل من دونه
11
حــاشــمٍ نـفـسـه مـن الزَلّي
والعَـرَبْ بـالنِّعـم يَـطْرُونه
12
له أهل مِ الضِّيف ما تْمِلّي
وِلِمْـعَـنَـى كـلّه يِـعَـرِفُـونـه
13
يِـــعْـــل داره يــودٍ مْهِــلّي
مــن سـحـابٍ تَـرْعِـد مْـزونـه
14
الشَّهـــَر هـــذا الذي هَــلّي
ولي وَراه ولي يــعــدّونــه
15
يـوم وقـت القـيـظ قد زَلّي
مــا بــقــي شـيٍ يـسـادونـه
16
جـاه عـقـب الوسْـميِ العَلّي
والثـرى مـا حَـفّ مـن بونه
17
وْلِبْـدِوي مـن العِدّ قد شَلّي
والطُـوي مـا عاد يَرْدونهر
18
يــنــزلون بْــراس مِــتْـعَـلّي
والوَطَـى مـا هُـمْ يـدانونه
19
زيــن شـوف النَّشـر لِمْـفِـلّي
وســط عـشـبٍ مـالت غْـصـونـه
20
ريــحــتـه لي جـاه لِمْـطِـلّي
مـثـل عـطـر بْـنَـحْر مزيونه
21
أو يــشـابِه ريـحـة الفِـلِّي
لي بـغـالي المال يَشْرُونه
تعليقات القراء 0