قال منهو بات ساهر ما رِقَدْ
للشاعر أحمد بن سيف بن زعل الفلاحي
1
قــال مـنـهـو بـات سـاهـر مـا رِقَـدْ
والمـلا فـي النـوم دَلْهـيـنٍ رقـود
2
لي بـغـيـت النـوم مـن عـيـنـي شَرَدْ
ليــن نـور الصـبـح سـوّى لهْ عـمـود
3
يـوم جـانـي الصـبـح هـمّـي مـا برد
مِ المـفـارق كـل مـا جـا له يـزود
4
مــن فــراق اللي وداده لي قَــعَــدْ
مَـقْـعـدٍ فـي الجـوف مـا ظـنّـي جحود
5
يــنــتِـمـي بـالطـيـب مـن خـالٍ وجَـدْ
هـوب وارد مـصـر والّا مْـن الهنود
6
وبــالكــرم والجـود له أهـلٍ تْـعَـدّ
فـي قـديـم الوقـت من عصر الجدود
7
مـنـزله في البَرّ ما هو في البَلَدْ
مــرتـفـع الغـزلان ربَّاـت النُـفـود
8
مـا يـشَـتّـى غـيـر فـي ذيـك القَـعَـد
ديــرةٍ عـسـى انْ تِـوْطـاهـا الرعـود
9
يـعـل لي مـن الغـرب له برق وْرعد
فــي ديــاره يـنـذكـر وَسْـمِـي وُيُـود
10
مـــاه وَبْـــلِيٍّ صِــبــيــب بْــلا بَــرَدْ
نــعـمـةٍ مـن عـالِم الكـون الوجـود
11
وانـظـر الخَـلْفَـات مـن ذيـك الرَعَد
فـي العِـشِـب حِـيـرانـهـا طِـيَح رقود
12
فـي ديـارٍ مـا رَعَـتْ فـيـهـا الجِـعَد
قـفـرةٍ مـا تْـقِصّ فيها الّا الرّغود
13
ومـا يـجـيـها الّا على اسبوعٍ وِرِد
غـيـر لي مـنـسـي قـطـيـعه بالورود
14
فـي المـنـازل لي خّـذ اسبوعين شَدّ
فـي سَـنَـعْهَـا يْـسـير عقب امّا يرود
15
مـــا حَـــلَى ليـــمـــن ضِــوَتْ الهــدد
فــــي طَــــرَفْهــــا صــــوت الرعــــود
16
تــــضــــويِ بْــــيــــوتٍ مــــن عَـــمَـــدْ
مـا بـنـوهـا مـن سْـمِـيـت ومن حْيود
17
بــيــت عــزٍّ يــوم تــبــغـي بـاتْـشِـدّ
تــنـطـوي حـجـبـه وتـنـقـضّ العـمـود
18
فــي ديــارٍ صـاحـبـهْ مـا بْهَـا جَهـد
لي حــطــبـهـا ريـحـتـه كَـريـح عـود
19
يـعـل بـسـقـيـهـا مـن الوسـمـي مْهَدّ
لي مـزونـه كـالجـبـال تْـشـاف سـود
20
يـسـقـيِ الظـفـره جـمـيـع بْـلا عـدد
هــوب بـس أحـرامـهـا غـدف الحـدود
21
ويــنْــذكـر جـوده بـدار اللي نِـوَدّ
بــو عــيــونٍ سـود وحْـجـاجِ مْـعَـقـود
22
بـــو ثـــمــانٍ كــنّهــا لون البَــرَدْ
والجـدايـل مـن عـلى مـتـنـه رْجـود
23
نــافــلٍ بــالزيــن وبــزيـنـه يِـعَـدّ
تــكـثـر الاوصـاف وبـزيـنـه فَـنـود
24
كــامــل الآوصــاف اِن قــام وْقَـعَـدْ
وان مشَى في الآرض لَهْ مَشْيَه بْهود
25
وِان هَـرج بـالوصـف مـثل اللي بَعَد
مــثـل وصـف اللي يـعِـدّون النـقـود
26
إِلْتـقـانـي فـي الطـريـق بـلا وَعِـد
صــدفــةٍ والّا فَــنــا قـلبـي جـحـود
27
قــلت له شــايــب وقـال اِلْيـه وَلَد
قـلت لا والله أنـا في السن عود
28
أسْـتَـغـفـر الله وِيش في عندك بَعد
لا تــوَلّعــنــي بــحــبـك يـا عـنـود
29
تــــايــــبٍ لله الفــــرد الصـــمـــد
وخـايـفٍ يـا زيـن مـن يـوم الوعود
30
والذي شَـــرواي مـــن هـــذا يـــصــدّ
مـن هَـوى الخفرات ما له فيه فود
31
يــوم وقـت صْـبـايْ لي بـه مـسـتـعـد
مـا سـمـعـت اللي عـذلنـي والحسود
32
راح وقـتـي وانـقـضـى مـا هـو يـردّ
ولو يـردّ ان كـان انا يومي سعود
33
والخـتـم صـلوا عـلى مـن هـو صـعـد
ليــلة المــعــراج والعـالم رقـود
تعليقات القراء 0