البيت العربي
البارحه يوم اهْجعت كلَ الانظارْ
عدد ابيات القصيدة:32
البـارحـه يـوم اهْـجـعـت كلَ الانظارْ
عَــيَّتـ عـيـونـي بـالكـرى لا تـغَـضّـيـه
امْـوَجّـبـات طْـيـورهـم قـبـل الاَفـطـار
وكـلٍ يِـبـا النـامـوس لي مَـرّ طـاريـه
مـا حـلّ مـات ومـا هـرب لِحْـقه اطيار
يْـجـيـك مـثـل الشـلْع مِ الجَـوّ مِـرميه
الريــش خِــلّى وســط لَبْــطــاح نَــثَّاــر
فـعـل اَدهـمٍ مـوت الحـبـاري بْـكَـفّـيـه
شَــيٍ خِــمَــرْ مــنــهــن وشـيٍ بـعَـد طـار
ولي طــار مــا حَـصّـل مـكـانٍ يـنـجّـيـه
خــايَـل وبـرَّقَ يـبـغـيِ يْـشـوف لي صـار
اللي هـرب واللي خَـمَـر فـي مَـداحـيه
وَلّم بــــدوره للهـــدد كـــل صـــقّـــار
بْــحُــرّ أدنــى للقَــنَـص مـن مـخـابـيـه
فــي خــايــعٍ عَـلّه مـن السـيـل مَـطَّاـر
تــلقــى الحـبـاري رِتَّعـٍ فـي روابـيـه
يـا بـوخـليـفـه يـا رَجـا كـلّ مـحـتار
إنـتَ رجـانـا ومـنّـك الخـيـر نـرجـيـه
هــذا ونــرجــي مـن عـطـايـاه لِكْـبَـار
ومـن ظَـنّ فـيـه بـخـير ما خاب راجيه
إذا عَـطَـى مـا يـعـطـي مِـيَّهـ وديـنـار
يـعـطـي عـطـايـا مـا تـقـايـس لْمَعطيه
ومــشَّى مــعــاشــاتٍ لاَطــفــالٍ صْــغَــار
ومـن جـاه عـانـى ما نَهَيْ بيضٍ ايديه
فـي حـكـم بـوسـلطـان يرعون الاَقفار
مــســتــامــنــيــنٍ يـعـل ربّـي يـخَـلّيـه
وَامَّنــ بِــداةٍ ســاكــنـيـنٍ بـالاَبـرار
وحــقّ العــدو ســنّــع رجــال تـكَـفّـيـه
ومــسـتـشـفـيـاتٍ للشـعـب بـر وَابـحـار
ومْــدارسٍ للي بــغَـى العـلم تـعـطـيـه
سَـنّـع ارقـوقٍ يَـدْفِـقِـنْ مـثـل الاَنهار
وتْــراكــتُــوراتٍ كــلّ عَــذْبٍ تــسـاويـه
داره عَــمَــرهــا بـحـكـمـةٍ وِبْـتِـفِـكَّاـر
له شـور صـعـبٍ مـا يـبـا مـن يـجَـدّيـه
مـن قـام بـالعـمران خَذها بالاَدوار
وله حـكـمـةٍ مـن والي العـرش مـعْطِيه
ورَسْتات ما هي كَدْش يا غير مِ القار
يـنـفِـق عـليـهـا مـال مـا حـدّ يَـقْصِيه
ومــكــايــنٍ للكــهــربــا ليـل وِنْهـار
وكـلُّه لِعـيـنـا الشـعـب كَـمّـل معانيه
أمّـر بـمـشـروع المـدن وِسـطْ الاَبرار
ومــكــايــنٍ للمــاء إليــهــا تـوَدّيـه
أبـقـاه والي العـرش عـلَّام الاَسرار
اللي خـلق الاُمّه والاَرزاق بْـيـديـه
عـسـاه فـي دنـياه ما يْشوف الاّكدار
يــعــيــش فــي صِـحّه ويَـبْـذي مـعـاديـه
واللي يــضــدّه يَـلْحِـقَه سَـوّ الاَمـرار
مـا يـهـتِـنـي بـالنـوم ضِـدّ لمْـعـاديه
مـا جـابـت الخـفـرات مـثله ولا صار
لطـيـف مـا هـو فَـظّ بـاللي يـصـافـيـه
قـامـت تـرّحـب بـه الارِض قـبِل لَبْشار
والله عــليــمِ انّـا نـحـبّه ونَـغْـلِيـه
الله يـدومـه دايم الدوم في الدار
كالغيث لي مِن طاح في القاع يَحْيِيه
أهْــوَ أبــونــا مْــرَبِّيــ كْـبـار وصْـغـار
وعـيـنـه وَرانـا وكـل مـحـتـاج مِغْنِيه
أبــو خــليـفـه زايـدٍ نَـسْـل الاَحـرار
ريـف الضـعـيـف ولي لجـا بـه يـنَـجِّيه
أبــدع بـيـوتٍ مـن ضـمـيـري لهـا كـار
اتْـــخُـــصّ شــيــخٍ بَــيّــنــاتٍ مــواريــه
ولا بــد هــذا غـيـر خـيـراتٍ اكْـثـار
مــن فــعــل شـيـخٍ كـامـلاتٍ مـعـانـيـه
تـمَّتـ وصـلى الله عـلى نور الاَنوار
مــحــمــد الشـافـع لطـايـع ومـعـصـيـه