يالله أنَا طالِبْك يا ربّ لِعْبَادْ
للشاعر أحمد بن سيف بن زعل الفلاحي
1
يــالله أنَــا طــالِبْـك يـا ربّ لِعْـبَـادْ
يـــا رافـــعٍ ســـبـــعٍ بِــلَيّــا عِــمــادي
2
تــقْــبَـل دِعـايـه يـا سـريـعٍ بـمـا راد
ولا اطْلبك غير الغيث يا خيري هادي
3
بْــمــزنــةٍ غَــرَّا مــن الغــرب تِــنْـقـاد
ويْــســوقــهــا ريـح السـهـيـلي بْـجـادي
4
تــســمــع رعـدهـا كـالصـواريـخ لِجْـدَاد
ومــن يــود مَــاهَــا ســيّــلت كِــلّ وادي
5
السِّيــح غَــدَّر والرمــل يــنـحِـفِـر ثـاد
ولي راح هـــــــذا هـــــــاذاك بــــــادي
6
صـوت الرعـد يَسْهِرك لو هو مِ الآبعاد
وتْــشــوف بَــرقـه مـثـل لمـع الهَـنـادي
7
تـسـقـي مـن الظَّفـره إلى شـرقيِ السَّاد
يــودٍ يــعِــمّ الحَــضْــر وَيّــا البــوادي
8
يـالله عـسـاهـا تْجود في دار لآمجاد
أهــل الثَّنــا والجُــود ضِــدّ المـعـادي
9
سْـــلالة نْهَـــيّــان عَــربــيــن لآجــداد
يــاللي حِـكِـمْهـم مـن عـلى عـصِـر عـادي
10
عـسـاه يـاتـي فـي الفـطر بين لآعياد
بــيــن الشِـتـا والقـيـظ حَـلّ البَـرادي
11
وقـــت الصِـــفـــاري يـــوم كـــلٍّ مْـــراد
أحْــــدٍ بِـــدا وَاحْـــدٍ نَهَـــيْ للبـــلادي
12
اللي ظَهَــر للبَــر يَــنْـزل بـالآبـعـاد
مــا هـوب فـوق العِـدّ بَـارض المَـنـادي
13
يـا زيـن مـظـهـور البـدو يـوم يِـنقاد
وشــوف العـشـايـر وِسْـط ذيـك الريـادي
14
وصـوت الفـحـل فـيـهـا كـمـا صوت رَعّاد
مــا يــصــوّعــونــه يــوم حَـلّ الهَـدادي
15
وخَـلْفـاتـهُـم تـاخـذ شـهـر عـقـب لِوْلاد
مــا تَــنْــشِــمِــل ومـزيّـنـه بـالعـتـادي
16
وحِـيـرانـهـا فـي العـشـب طِـيَّحـ ورِقّـاد
عــشــبٍ خَــضَــر مــا يَــبَّســِتْه النــوادي
17
وبـيـت الشّـعَـر يـبـنَى على حجب وِعْمَاد
تَــوَّه جــديــدٍ ظــاهــر مْــن المــســادي
18
وجـمـر العَـبـل فـي رَبـعة البيت وَقّاد
والنَــيْـر يـلعـو مـثـل صـوت المـنـادي
19
مَـــرّه يِـــدَقْ البِــنّ وامــرار لِقْــنــاد
ويْـــحَـــط فـــي دْلالٍ نِـــظـــافٍ جـــدادي
20
هــاذيــه قــولٍ صــدْق مــا فـيـه جـحّـاد
هــــاذيـــه شـــيٍ شـــايـــفِـــنّه وِكَـــادي
21
مـن عـقـبـهم يا بو جبر ما ليَ اقْعاد
عــيـنـي سـهـيـره مـا غَـضَـتْ بـالرقـادي
22
ولو انّ الفتى يعطَى على كيف ما راد
دوّرت مــا ابــا غـيـر ضـاع احـتـيـادي
23
دار الحـضـر مـا تْـجـوز لو هُـم أجواد
وأحـــبّ دار البـــدو كــيــفِــةْ مْــرادي
24
عــســى وطــنــهــم يـنـسـقَـى يـود رعّـاه
وَسْــمِــيّــةٍ تــاخــذ شــهَــر بــالعَــدادي
25
أهـل النـفـوس الطـيّـبـه نسل الآجواد
كْــرام فــي وقــت العــسِــر والشــدادي
26
والّا الردي إن مـات وان حِـيّ وِشْ عاد
مــا تـنـفـقـد غـيـر القـروم العـوادي
27
عــليــك بــاللي يَــتّــقـي كـل مـا كـاد
والّا الردي كِــــبّه ولا بَهْ مَـــفـــادي
28
مـثـل الكـريـم امْـعـان في كل ما راد
والصــبــر مــحــمـود العـواقـب وَكـادي
29
مَـتْـرَى الكـرامـه كـالشـجاعه ولو زاد
وإن فِـلْت مِ الاِثـنـيـن وين انتْ غادي
30
مــا دامــت الدنــيــا لكــسـرى وشـدّاد
ولو طـــوّلت مَـــتْـــلاتْهَـــا للنَــفــادي
31
يبقى العمل والعِلْم من بعد الآشهاد
والمـوت يـاتي الطفل لي في المهادي
32
وصــلاة ربّــي عَــدّ مــا تْهِــب لآنــواد
عـلى النـبـي المـخـتـار سِيد العبادي
تعليقات القراء 0